ລາວຄື 1 ໃນ 3 ປະເທດອາຊຽນທີ່ບໍ່ພົບຜູ້ຕິດເຊື້ອໂຄວິດ-19

ອີງຕາມບົດຂ່າວລາຍງານຂອງຄະນະກໍາມະການສາທາລະນະສຸກແຫ່ງຊາດຈີນ ແລະ ຈາກເວບໄຊ  Coronavirus COVID-19 Global Cases by the Center for Systems Science and Engineering (CSSE) at Johns Hopkins University (JHU)  ສໍາລັບຄວາມຄືບໜ້າຂອງພະຍາດປອດອັກເສບຈາກເຊື້ອໄວຣັດ COVID-19 ຮອດວັນທີ 10 ມີນາ 2020 ເວລາ 9.00 am

ປະຈຸບັນມີຜູ້ຕິດເຊື້ອໂຄວິດແລ້ວຫຼາຍກວ່າ 100 ປະເທດທົ່ວໂລກ ມີຜູ້ຕິດເຊື້ອແລ້ວ 90 ພັນກວ່າຄົນ, ເສຍຊີວິດແລ້ວ 4 ພັນກວ່າຄົນ

ໃນນັ້ນປະເທດທີ່ມີຜູ້ຕິດເຊື້ອຮອງຈາກຈີນມີ: ອີຕາລີ 9,1 ພັນກວ່າຄົນ ເສຍຊີວິດ 463 ຄົນ,  ສ.ເກົາຫຼີ 7,5 ພັນກວ່າຄົນ ເສຍຊີວິດ 54 ຄົນ, ອີຣານ 7,1 ພັນກວ່າຄົນ ເສຍຊີວິດ 237 ຄົນ. ບັນດາປະເທດຕາເວັນອອກສຽງໃຕ້ ມີ 8 ປະເທດທີ່ຕິດເຊື້ອ ຄື: ສິງກະໂປ 110, ໄທ 43, ມາເລເຊຍ 36, ຫວຽດນາມ 16, ກຳປູເຈຍ 1, ຟີລິບປິນ 3, ອິນໂດເນເຊຍ, ບຣູໄນ 1.

ສ່ວນປະເທດທີ່ບໍ່ພົບຜູ້ຕິດເຊື້ອມີ 3 ປະເທດຄື: ລາວ, ມຽນມາ, ແລະ ຕີມໍ. ເຖິງຢ່າງໃດກໍຕາມບັນດາປະເທດທີ່ບໍ່ພົບຜູ້ຕິດເຊື້ອແມ່ນໄດ້ເຂັ້ມງວດຄວບຄຸມ ແລະກຽມຄວາມພ້ອມໃນການກຳຈັດເຊື້ອດັ່ງກ່າວເຖິງທີ່ສຸດ.

ສະເພາະລາວເຮົາໃນປະຈຸບັນແມ່ນມີກໍລະນີສົງໃສ 60 ກໍລະນີ ຜົນກວດແມ່ນບໍ່ພົບເຊື້ອ

ຖືເປັນປະເທດໜຶ່ງທີ່ເອົາໃຈໃສ່ ແລະ ປະຕິບັດຕາມຄຳແນະນຳຂອງອົງການອະນາໄມໂລກ ແລະ ໄດ້ງົດການໂຮມຊຸມນຸມທີ່ມີຄວາມສ່ຽງແລ້ວຫຼາຍງານ ເຊິ່ງພາກລັດ ແລະ ເອກະຊົນກໍໄດ້ເອົາໃຈໃສ່ເຂັ້ມງວດ ພ້ອມກັນປະຕິບັດໄດ້ເປັນຢ່າງດີ.

ຂອບໃຈຂໍ້ມູນຈາກ:

  • ສູນສື່ສານເພື່ອສຸຂະພາບ ແລະ ສຸຂະສຶກສາ Centre of Information and Education for Health

_____________
ຂໍ້ມູນເພີ່ມຕື່ມ: hukmiplan.com
ສາຍດ່ວນຂໍຄຳປຶກສາເລື່ອງສຸຂະພາບຈະເລີນພັນ ແລະ ການປ້ອງກັນການມີລູກທີ່ບໍ່ພ້ອມ
ໂທ: 020 55 566 617 
#ຮັກມີແຜນ#ຖາມເອື້ອຍໄດ້