![//hukmiplan.com/wp-content/uploads/2022/08/HMP_Header-Title_Section_2.jpg](http://hukmiplan.com/wp-content/uploads/2022/08/HMP_Header-Title_Section_2.jpg)
ຂໍ້ມູນກ່ຽວກັບ ການຖືພາ
![//hukmiplan.com/wp-content/uploads/2019/02/material-01.png](http://hukmiplan.com/wp-content/uploads/2019/02/material-01.png)
ການເລີ່ມຕົ້ນສ້າງຄອບຄົວ ຄືການຕັດສິນໃຈທີ່ດີ ແລະ ຫາກເຮົາມີຄວາມພ້ອມ ໃນຂັ້ນຕອນຕໍ່ໄປຂອງການໃຊ້ຊີວິດ ກໍຈະດີຫຼາຍ ແລະ ເຮົາສາມາດຖືພາໄດ້, ແມ່ຍິງທຸກຄົນສາມາດຖືພາເມື່ອເລີ່ມມີປະຈໍາເດືອນ (ໄລຍະທີ່ມີເລືອດໄຫຼອອກຈາກຊ່ອງຄອດໃນແຕ່ລະເດືອນ) ເມື່ອມີການຮ່ວມເພດໂດຍທີ່ບໍ່່ມີການປ້ອງກັນ ຈະເຮັດໃຫ້ແມ່ຍິງສາມາດຖືພາໄດ້.
ຫາກທ່ານຕ້ອງການຮູ້ຂໍ້ມູນເພິ່ມຕື່ມກ່ຽວກັບການຖືພາ, ອາການສະແດງອອກເມື່ອເວລາຖືພາ, ການເບິ່ງແຍງຕົນເອງເວລາຖືພາ, ການຝາກທ້ອງ ແລະ ອາການຕ່າງໆ ທ່ານສາມາດຮຽນຮູ້ໄດ້ທີ່ນີ້.
ການປ້ອງກັນການລຸລູກທີ່ບໍ່ປອດໄພ
ຖ້າທ່ານຍັງບໍ່ມີຄວາມພ້ອມທີ່ຈະມີລູກ ທາງອອກດຽວກໍ່ຄືການຄຸມກໍາເນີດ ການຄຸມກໍາເນີດຄືການປ້ອງກັນບໍ່ໃຫ້ມີການຖືພາ, ແຕ່ຖ້າຫາກວ່າທ່ານຖືພາໂດຍທີ່ບໍ່ໄດ້ຕັ້ງໃຈ ແລະ ຍັງບໍ່ພ້ອມທີ່ຈະມີລູກ ທ່ານສາມາດປ້ອງກັນການລຸລູກທີ່ບໍ່ປອດໄພໄດ້ໂດຍການ ຢຸດຕິການຖືພາດ້ວຍວິທີທາງການແພດ ເຊິ່ງວິທີການນີ້ສາມາດຊ່ວຍທ່ານໄດ້. ທ່ານສາມາດຮຽນຮູ້ເພີ່ມເຕີມກ່ຽວກັບການປ້ອງກັນລຸລູກທີ່ບໍ່ປອດໄພ ແລະ ການດູແລຫຼັງການລຸລູກສໍາລັບທ່ານ ແລະ ຄົນທີ່ທ່ານຮູ້ຈັກໄດ້ ໂດຍການປຶກສາພວກເຮົາ
“ການລຸລູກໃນ ສປປ ລາວ”
ແມ່ຍິງລາວໝົດທຸກຄົນມີສິດເຂົ້າເຖິງການບໍລິການປ້ອງກັນການລຸລູກທີ່ບໍ່ປອດໄພ. ຜ່ານມາມີແມ່ຍິງລາວຫຼາຍໆຄົນໄດ້ພົບກັບບັນຫາການຖືພາໂດຍບໍ່ໄດ້ຕັ້ງໃຈ ແລະ ນໍາໄປສູ່ການລຸລູກ, ການລຸລູກໃນ ສປປ ລາວ ໄດ້ຖືກຍອມຮັບໃນປີ 2015 ໂດຍມີຈຸດປະສົງແມ່ນເພື່ອຫຼຸດຜ່ອນອັດຕາການຕາຍຂອງແມ່ຈາກການລຸລູກທີ່ບໍ່ປອດໄພ. ປັດຈຸບັນນີ້ ການລຸລູກທີ່ປອດໄພກໍາລັງເລີ່ມເປັນທີ່ຍອມຮັບຈາກສັງຄົມ ເພາະນີ້ແມ່ນສິດທິພື້ນຖານຂອງແມ່ຍິງທີ່ສາມາດເຂົ້າເຖິງການລຸລູກດ້ວຍວິທີທີ່ປອດໄພ ແລະ ຫຼີກລ່ຽງການເສຍຊີວິດ.
ການລຸລູກທີ່ບໍ່ປອດໄພ:
ຄືການລຸລູກພາຍໃຕ້ເງື່ອນໄຂທີ່ບໍ່ປອດໄພ ວິທີການນີ້ໝາຍເຖິງວິທີການລຸລູກທີ່ຂາດຄວາມຮູ້ທາງດ້ານເຕັກນິກ ຫຼື ລຸລູກໂດຍແພດເຖື່ອນ (ແພດທີ່ບໍ່ໄດ້ຜ່ານການຝຶກອົບຮົມ) ລວມໄປເຖິງເຄື່ອງມືທີ່ໃຊ້ເຂົ້າໃນການລຸລູກບໍ່ໄດ້ຜ່ານການອະເຊື້ອ ແລະ ບໍ່ໄດ້ມາດຖານ ເຊິ່ງວິທີການເຫຼົ່ານີ້ ສາມາດເຮັດໃຫ້ແມ່ຍິງເສຍຊີວິດ.
ເພື່ອຫຼີກລ່ຽງຈາກການລຸລູກທີ່ບໍ່ປອດໄພ ທ່ານສາມາດໄປຮັບບໍລິການຕາມສະຖານທີ່ດັ່ງຕໍ່ໄປນີ້: ໂຮງໝໍລັດ, ຫ້ອງກວດພະຍາດ ແລະ ຮ້ານຂາຍຢາທີ່ມີຄວາມສາມາດໃຫ້ຄໍາແນະນໍາ ແລະ ສາມາດນໍາໃຊ້ຢາ Ace Mife ແລະ Ace Miso ເຂົ້າໃນການລຸລູກທີ່ປອດໄພ.
ຖ້າຫາກວ່າທ່ານມີຄໍາຖາມ ຫຼື ຕ້ອງການສອບຖາມຂໍ້ມູນເພີ່ມເຕີມກ່ຽວກັບວິທີຄຸມກໍາເນີດ ແລະ ການດູແລຫຼັງການລຸລູກ ສາມາດຕິດຕໍ່ໄດ້ທີ່ສາຍດ່ວນ 020 55566617.
ການດູແລຫຼັງການລຸລູກ
ການດູແລຫຼັງການລຸລູກ
ການດູແລຫຼັງການລຸລູກເປັນສິ່ງທີ່ຄວນເອົາໃຈໃສ່ສໍາລັບແມ່ຍິງທີ່ຫາກໍ່ລຸລູກ ເພາະເປັນສິ່ງທີ່ກະທົບເຖິງຄວາມຮູ້ສຶກ, ຮ່າງກາຍ, ຈິດໃຈ ແລະ ສາສະໜາ.
ຫຼັງຈາກທີ່ມີການລຸລູກ ທ່ານໝໍຄວນໃຫ້ຄໍາປຶກສາ ແລະ ຄໍາແນະນໍາເພື່ອປອບໃຈຄົນເຈັບ ລວມທັງອາການຂ້າງຄຽງໃຫ້ແກ່ຄົນເຈັບຮັບຮູ້ ການໃຫ້ຄໍາແນະນໍາແກ່ຄົນເຈັບເພື່ອຮັບມືກັບອາການຂ້າງຄຽງທີ່ຈະເກີດຂື້ນບໍ່ວ່າຈະເປັນວິທີໃຊ້ຢາ ຫຼື ວິທີການດູດເພື່ອຮັບປະກັນວ່າຄົນເຈັບສາມາດຮັບມືກັບອາການດັ່ງກ່າວນັ້ນໄດ້ໃນເວລາກັບບ້ານ.
ຄົນເຈັບຄວນ ປຶກສາຄົນທີ່ທ່ານຮັກ ໝູ່ຄູ່ ແລະ ສາມາຊິກພາຍໃນຄອບຄົວ ຈະເຮັດໃຫ້ທ່ານຮູ້ສືກດີໄດ້ໄວຂື້ນໃນຊ່ວງເວລາດັ່ງກ່າວ. ນອກຈາກນີ້ແລ້ວ ຍັງມີວິທີການປະຕິບັດທາງດ້ານການແພດທີ່ຊ່ວຍທ່ານໃນການຟື້ນຟູໄດ້ໄວຂຶ້ນ; ປະຕິບັດຕາມຄໍາແນະນໍາຂອງທ່ານໝໍເມື່ອທ່ານຮູ້ວ່າເຈັບທ້ອງນ້ອຍ ຫຼື ມີເລືອດໄຫຼທາງຊ່ອງຄອດ.
ການລຸລູກເປັນສິ່ງທີ່ກະທົບກະເທືອນຈິດໃຈບໍ່ມີໃຜຢາກໃຫ້ມັນເກີດຂື້ນ ແຕ່ທ່ານບໍ່ຕ້ອງກັງວົນ ທ່ານສາມາດຮັບຄໍາປຶກສາກັບທ່ານໝໍເພື່ອຊ່ວຍໃຫ້ທ່ານດີຂື້ນ.
ສາມາດຕິດຕໍ່ໄດ້ທີ່ສາຍດ່ວນ 020 55566617.
![//hukmiplan.com/wp-content/uploads/2022/08/HMP_Header-Title_Section-Recovered_2.png](http://hukmiplan.com/wp-content/uploads/2022/08/HMP_Header-Title_Section-Recovered_2.png)