ຖືພາຕອນອາຍຸຍັງນ້ອຍ, ບໍ່ພ້ອມ, ມີຜົນກະທົບຫຼາຍດ້ານ, ດ້ານຮ່າງກາຍ ດ້ານຈິດໃຈ ແລະ ດ້ານເສດຖະກິດ-ສັງຄົມ!!
ເດັກນ້ອຍທີ່ເກີດຈາກແມ່ທີ່ຖືພາແຕ່ອາຍຸຍັງນ້ອຍສ່ວນຫຼາຍຈະເຮັດໃຫ້ເດັກໄດ້ຮັບຜົນກະທົບຕ່າງໆ ເປັນຕົ້ນເຊັ່ນ:
- ເກີດກ່ອນກໍານົດ (preterm) ຊື່ງມີຜົນຕໍ່ການມີຊິວີດລອດຂອງເດັກ
- ນ້ຳໜັກຂອງເດັກຕໍ່າ (low birth-weight babies).
- ອັດຕາການຕາຍຂອງເດັກນ້ອຍຕັ້ງແຕ່ເກີດຈົນເຖິງໃຫຍ່ແມ່ນສູງ.
- ເດັກທີ່ເກີດຈາກແມ່ທີ່ເປັນໄວໜຸ່ມ ອາດຈະໄດ້ຮັບໂພສະນາການທີ່ບໍ່ເໝາະສົມ ລວມໄປເຖີງ ການເບິ່ງແຍງທາງດ້ານສຸຂະພາບ, ການກະຕຸ້ນທາງດ້ານສະໝອງ ແລະ ທາງສັງຄົມ, ມີຄວາມສ່ຽງຫຼາຍຂື້ນທີ່ຈະຖືກການລ່ວງລະເມີດ ແລະ ການປ່ອຍປະລະເລີຍ
- ເດັກຊາຍທີ່ເກີດຈາກແມ່ໄວໜຸ່ມ 13% ຈະຖືກກັກຂັງ ແລະ 22% ຂອງເດັກຍິງຈະກາຍເປັນແມ່ໃນໄວໜຸ່ມ
- ເດັກທີ່ເກີດມາ ມີຄວາມສ່ຽງຕໍ່ການພັດທະນາການຂອງອະໄວຍະວະຕ່າງໆບໍ່ສົມບູນ ແລະ ຮ້າຍແຮງໄປກວ່ານັ້ນເຮັດໃຫ້ມີເລືອດໄຫຼໃນສະໝອງ, ພະຍາດທາງເດີນຫາຍໃຈ ແລະ ພະຍາດທາງເດີນອາຫານ
ຕໍ່ແມ່ ແລະ ລູກ:
- ຄວາມສ່ຽງຂອງການເສຍຊີວິດໃນເວລາເກີດລູກແມ່ນ 2 ເທົ່າໃນກຸ່ມອາຍຸ 15-20 ປີ ແລະ 5 ເທົ່າທີ່ສູງຂື້ນສຳລັບເດັກຍິງຜູ້ທີ່ຖືພາອາຍຸຕຳ່ກວ່າ 15 ປີ
- ສ່ຽງຕໍ່ການກຽມຊັກກະຕຸກ (ບວມ,ຊັກກະຕຸກ)
- ເສຍເລືອດຫຼາຍ
- ແມ່ຈະມີອາການຊືມເສົ້າໃນໄລຍະ 4 ປ
- ພະຍາດເລືອດຈາງ
- ສ່ຽງຕໍ່ການລຸລູກ/ ເກີດກ່ອນກຳນົດ/ເດັກເກີດມານໍ້າໜັກຕໍ່າ/ການພັດທະນາການຊັກຊ້າ ທາງດ້ານຮ່າງກາຍ ແລະ ສະໜອງ
ຜົນກະທົບດ້ານຈິດໃຈ
- ໂທດຕົວເອງ, ຜິດຫວັງ ແລະ ເສຍໃຈກັບບັນຫາທີ່ເກີດຂຶ້ນ
- ຂາດຄວາມໝັ້ນໃຈ ແລະ ຄິດວ່າໂຕເອງເສຍສັກສີ
- ອາດຈະໄດ້ແຕ່ງດອງກັບຄົນທີ່ຕົນເອງບໍ່ໄດ້ຮັກແທ້ (ເພາະຍັງບໍ່ທັນຜ່ານເວລາຫຼາຍ)
- ຖືກໂຈະການຮຽນ ຫຼື ບໍ່ກ້າໄປຮຽນ
- ອາດຖືກສັງຄົມ ແລະ ບຸກຄົນເວົ້າໃສ່ ຫຼື ການກະທຳທີ່ສະແດງທ່າທາງລັງກຽດ.
- ອາຊີບບໍ່ໝັ້ນຄົງ
- ມີບັນຫາໃນການລ້ຽງລູກ (ສັບສົນບໍ່ຮູ້ວິທີ)
- ມີອາການຊຶມເສົ້າ, ບໍ່ມີທາງອອກ, ຢາກຂ້າຕົວຕາຍ
- ອາຍ ແລະ ຢ້ານທີ່ຈະປຶກສາ, ໂອ້ລົມ ກັບຄົນໃນຄອບຄົວ ຫຼື ເຂົ້າຮັບການບໍລິການຕ່າງໆ.
ຜົນກະທົບດ້ານເສດຖະກິດ – ສັງຄົມ
- ຂາດເງິນຄຳທີ່ຈະໃຊ້ຈ່າຍ ບໍລິການຕ່າງໆ ທັງໃນເວລາຖືພາ, ຕອນເກີດ ແລະ ຫຼັງເກີດເພື່ອລ້ຽງດູລູກ
- ອາດບໍ່ສາມາດທົນກັບສະພາບຄວາມກົດດັນຈາກສັງຄົມ ຈົ່ມຂວັນນິນທາໄດ້
- ອາດຖືກສັງຄົມລັງກຽດ ( ກໍລະນີເປັນ ແມ່ຖືພາ ແລະ ລ້ຽງລູກຄົນດຽວ )
- ບໍ່ມີອາຊີບ ຫຼື ອາຊີບບໍ່ໝັ້ນຄົງ ( ເນື່ອງຈາກຕ້ອງໄດ້ເບິ່ງແຍງລູກ ແລະ ອາດຮຽນບໍ່ຈົບ )
- ມີຄວາມສ່ຽງຕໍ່ການຢ່າຮ້າງ ( ເນື່ອງຈາກແຕ່ງດອງກັນໄວ ແລະ ຍັງບໍ່ໄດ້ຮຽນຮຸ້ຊີວິດຄອບຄົວມາກ່ອນ )
- ຄຸນນະພາບຊີວິດຕົກຕໍ່າ.
ທີ່ມາ: ປຶ້ມຄູ່ມື ແນວທາງການສອນເພດວິຖີສຶກສາຢ່າງບູລະນາການສຳລັບຄູ ກະຊວງສຶກສາທິການ
_____
ຂໍ້ມູນເພີ່ມຕື່ມ:
ເວັບໄຊທ: hukmiplan.com
ຂໍ້ຄວາມ: ຮັກມີແຜນ
ຂໍຄຳປຶກສາບັນຫາໄວໜຸ່ມ ແລະ ການປ້ອງກັນການຖືພາທີ່ບໍ່ພ້ອມໂທ: 020 55 566 617