- ເລືອກເຄື່ອງນຸ່ງທີ່ເໝາະສົມກັບສະພາບອາກາດ.
ຖ້າອາກາດເຢັນຄວນນຸ່ງເຄື່ອງທີ່ອົບອຸ່ນຢ່າງ, ແຕ່ຖ້າອາກາດຮ້ອນໃຫ້ນຸ່ງເຄື່ອງທີ່ລະບາຍອາກາດໄດ້ດີບໍ່ອຶດອັດເກີນໄປ.
- ນອນໃຫ້ພຽງພໍ.
ການນອນສາມາດຊ່ວຍສ້າງລະບົບພູມຕ້ານທານໃຫ້ຮ່າງກາຍ ແລະ ສ້ອມແປງສ່ວນຕ່າງໆໃນຮ່າງກາຍໃຫ້ພ້ອມໃຊ້ງານໃນແຕ່ລະມື້, ທີ່ສຳຄັນຢ່າລືມນອນຫົ່ມຜ້າເພື່ອໃຫ້ຮ່າງກາຍອົບອຸ່ນຕະຫຼອດເວລາ.
- ປ່ອຍວາງ.
ພະຍາຍາມຢ່າຄຽດ, ຢ່າກັງວົນຫຼາຍ ເພາະຄວາມຄຽດຈະເຮັດໃຫ້ລະບົບພູມຄຸ້ມກັນຫຼຸດລົງ ເຮັດໃຫ້ຮ່າງກາຍຂອງເຮົາເຈັບປ່ວຍງ່າຍ.
- ດື່ມນ້ຳດື່ມໃຫ້ພຽງພໍ.
ໂດຍດື່ມໃນປະລິມານ 8 ຈອກຕໍ່ມື້ດ້ວຍນໍ້າອຸນຫະພູມປົກກະຕິ. ພະຍາຍາມບໍ່ດື່ມນ້ຳເຢັນ ແລະ ການກິນນໍ້າກ້ອນທີ່ບໍ່ສະອາດ ເຊິ່ງມີໂອກາດປົນເປື້ອນດ້ວຍເຊື້ອພະຍາດ.
- ກິນອາຫານໃຫ້ຄົບ 5 ໝວດ.
ຫຼີກລ່ຽງອາຫານດິບ ແລະ ປຸງແຕ່ງບໍ່ສຳເລັດຮູບ ເພື່ອປ້ອງກັນອາຫານເປັນພິດ ແລະ ຖອກທ້ອງ.
- ອອກກຳລັງກາຍເປັນປະຈຳ.
ການອອກກຳລັງກາຍຊ່ວຍເສີມສ້າງລະບົບພູມຄຸ້ມກັນໄດ້ດີ ບໍ່ວ່າຈະເປັນການຍ່າງ, ແກວ່ງແຂນ, ແລ່ນ ຫຼື ເຕັ້ນແອໂຣບິກ ແລະ ການເວດເທນນິ້ງກໍນັບໄດ້ວ່າເປັນທາງເລືອກທີ່ດີ.
ພຽງເທົ່ານີ້ເຮົາກໍຈະມີສຸຂະພາບທີ່ດີ ແລະ ແຂງແຮງ ເພື່ອພ້ອມທີ່ຈະຮັບທຸກສະພາບການປ່ຽນແປງຂອງດິນຟ້າອາກາດໄດ້ແລ້ວ.
————————-
ຂໍ້ມູນເພີ່ມຕື່ມ:
ເວັບໄຊທ: hukmiplan.com
ຂໍ້ຄວາມ: ຮັກມີແຜນ
ຂໍຄຳປຶກສາບັນຫາໄວໜຸ່ມ ແລະ ການປ້ອງກັນການຖືພາທີ່ບໍ່ພ້ອມໂທ: 020 55 566 617-18